ភ្នំពេញ៖ នារសៀលថ្ងៃទី០៩ ខែមករា ឆ្នាំ២០២៤ សមត្ថកិច្ចបានកោះហៅសិស្សវិទ្យាល័យ ហ៊ុន សែន ប៊ុនរ៉ានី វត្តភ្នំ ដែលវាយគ្នា ហើយផ្សព្វផ្សាយតាមបណ្តាញសង្គម មកអប់រំ និងធ្វើកិច្ចសន្យាបញ្ឈប់ការវាយគ្នាតទៅទៀត។

មុននឹងសមត្ថកិច្ចកោះហៅនេះ អ្នកគ្រូនាយិការរងសាលា ក៏បានហៅសិស្សទាំងនោះមកសាកសួរ អប់រំ និងឱ្យធ្វើកិច្ចសន្យារួចមកហើយ ប៉ុន្តែក្រោយមកក៏មានវីដេអូទំនាស់របស់សិស្សផ្សព្វផ្សាយនៅលើបណ្តាញសង្គម ដោយទំនាស់នោះកើតចេញពីការនិយាយឌឺដងគ្នាតាមហ្វេសប៊ុក។

សមត្ថកិច្ចបានសំណូមពរឱ្យភាគីជនរងគ្រោះ និងអាណាព្យាបាលជនបង្ក មិនឱ្យមានការប្តឹងផ្តល់គ្នាដោយសារករណីអាណាធិបតេយ្យនៅក្នុងសាលារបស់សិស្សស្រីមិនបង្ករបួសសា្នមដល់រាងកាយ ហើយក្មេងបង្កនៅជាអនីតិជន។ ទើបសមត្ថកិច្ច អនុញ្ញ្ញាតឲ្យអប់រំត្រឡប់ទៅផ្ទះវិញ ដោយមានការធានាពីអាណាព្យាបាលយកទៅអប់រំបន្ត៕